讓生活好看2｜張栢芝爆長子情竇初開想拖手仔 拒教路追女大法怕Lucas「越軌」

張栢芝喺內地真人騷《讓生活好看2》大方分享自己生活中嘅習慣與趣事，多次談及同阿仔嘅相處日常，坦率個性深受網友喜愛。最新一集中，仲大談同阿仔以及父母嘅關係。

{{hket:inline-image name="641.jpg"}}{{/hket:inline-image}}

張栢芝提到差不多14歲嘅大仔Lucas（謝振軒）原來已經拍拖，指女方係阿仔同班同學，栢芝更表示見到阿仔早戀，一方面覺得係囝囝魅力所致，另一方面又擔心Lucas小小年紀會做出越軌行為。栢芝指同Lucas嘅關係好似朋友一樣，會互相分享心事，「比如說他喜歡上一個女生，也會跟我講，那個女生蠻好的，甚麼甚麼的……然後突然間問我『媽媽，如果拖一個女生的手應該怎麼拖啊？』這樣子。」

栢芝話自己平時同阿仔溝通都唔係好正經，所以會咁回應，「那個問題我不懂，因為我從來不會拖手，怕被媒體拍攝到……」解釋點解唔肯「教路」，「其實我選擇的方法是，我不想直接地告訴他那麼小就拖手是怎樣怎樣的，我又不想要跟他的朋友關係斷了，所以就用另外一個方法把話題斷了！」

（點擊圖片放大）

張栢芝自細父母經已離婚，但對佢成長冇太大影響，「父母很開通，我們甚麼都講，女生應該跟媽媽講的事，我都會跟我爸講……情感問題甚麼都講。」同時提到父母年紀大，有病有痛，一啲小細節令佢覺得好心疼，「糖尿病不能吃白米飯……我會突然買一個電飯煲（減醣電飯煲），當所有糖分流失，才給老人家吃；她非常開心，比收到一台車更開心，因為可以吃多一點，都不會影響到健康。」